الرئيس السيسي خلال قداس عيد الميلاد: وحدتنا هي رصيد مصر الحقيقي

قال الرئيس عبد الفتاح السيسي، خلال تقديم التهنئة بمناسبة قداس عيد الميلاد المجيد:

الحقيقة خلّوني أبدأ كلامي بحمد ربنا على إننا، منذ عام 2015، وإحنا بنحتفل مع بعض بالعيد. بهنّي قداسة البابا، والكنيسة، وكل المواطنين، وأهلنا المسيحيين، والمصريين، وكل العالم. كل سنة وأنتم طيبين، وعيد سعيد علينا كلنا، وربنا يجعل أيامنا كلها أعياد وأفراح.

عام 2015 كانت أول مرة أتشرف بالزيارة، وأحتفل، وأشوف المحبة اللي بينا. وخلال السنين دي حصلت حاجات كتير، وأيام صعبة كتير، وكل مرة أقول إن كل ما يكون شعب مصر مع بعض، بنحب بعض، ونخاف على بعض، ونحترم بعض، وما نسمحش لنفسنا إن العلاقة دي إلا إنها تفضل متطورة، ونعززها، لأن ده رصيدنا، وما نديش فرصة لحد يتدخل بينا كلنا، لأننا كلنا واحد.

وكل مرة أقول كده، لأن قداسة البابا له تقدير خاص، واحترام لشخصه، وربنا يحفظكم ويحفظ بلدنا.

وعام سعيد، ونقول يا رب 2026 تكون عام، بفضل الله، أفضل علينا وعلى كل الدنيا. وأقول للمصريين: أوعوا تقلقوا أبداً، بشرط تفضلوا دايمًا مع بعض، وأوعى حد يحاول يدخل بينا، ونختلف، ونأذي نفسنا وبلدنا، ودي وصيتي ليكم كلنا.

أي مشكلة تتحل، بس تفضل مصر بخير وسلام. وكل عام وأنتم بخير، وسلام وسعادة، وقداسة البابا بخير وسلام وسعادة، وربنا يفرحكم دايمًا، ويفرح مصر، ويفرح الدنيا كلها.