لو طلعتي صوت هنخلص عليكي.. المؤبد والمشدد لمدمني الهرم.. خطفا فتاة
عاقبت محكمة جنايات الجيزة، المتهمين عمرو. ج 25 سنة "عاطل"، و فتحي ا 22 سنة "عاطل"، بالسجن المؤبد لقيامهما بخطف المجني عليها سودانية الجنسية واغتصابها، والسجن المشدد 6 سنوات وغرامة 100 ألف جنيه عن جريمة احراز الاتجار في الهيروين، والسجن المشدد 3 سنوات وغرامة 10 آلاف جنيه عن تهمة تعاطي الهيروين.
صدر الحكم برئاسة القاضي إبراهيم الميهي وعضوية القاضيين خالد نصار و محمد النجدي بحضور إيهاب خيري وكيل النيابة بأمانة سر إيهاب شكري.
قالت المجني عليها 24 سنة طالبة بكلية الطب بالقاهرة ومقيمة بالسودان، أنها حضرت إلى مصر منذ أسبوعين وكانت تقيم صحبة خالتها في منطقة المريوطية وعندما خرجت صحبة ابن خالتها لكي تقوم بشحن هاتفها المحمول وعمل باقة فوجئت بتوك توك يقف أمامهما ونزل منه اثنين واحدهما توجه لابن خالتها والثاني ناحيتها وأمسك بها من رقبتها، وحاولت الصراخ إلا أنه أخرج مطواه من جيبه ووضعها في جانبها فتخوفت منه فقامت بالسكوت بينما ترك زميله ابن خالتها واستقل معهما التوك توك وبعد مسافة في منطقة زراعية مفيش إضاءة بينما نزل من قام بتهديدها من التوك توك وقلعوها هدومها وامسك احدهما طرحتها وربط بها فمها، لكي لا تستطيع الصراخ، وهددوها "لو طلعتي صوت هنخلص عليكي" وبعدها قاما باغتصابها من الأمام والخلف، ولما خلصوا رجعوني لمكان قريب واتصلت بابن خالتي وقابلته ولقيت الشرطة معاه، ورحنا بعدها على القسم يوم 16 أكتوبر 2022، الساعة 10:30 مساء وقررت الضحية أن الفترة الزمنية التي استغرقها الجناة في خطفها هي مدة 3 دقائق تقريبا حاولت الصراخ لكن لم يلحقني أحد لأن الناس لم تتوقع ان فيه حد مخطوف والموضوع تم بسرعة.
تحريات المباحث واعترافات
تمكن رجال المباحث من ضبط المتهمين فقرر عمرو قائلا " أنا وصديقي فتحي شغالين على توكتوك في المريوطية فيصل واحنا ماشيين في شارع المريوطية تحت الكوبري لقينا اتنين قاعدين بيشربوا حشيش في الشارع جنب كشك احنا وقفالهم وقعدنا نقولهم انتوا واقفين هنا ليه فرموا السيجارة اللي في أيديهم على الأرض قدامنا فأنا خدنا لقيتها حشيش فلقيت البنت قالتلنا أنا مش عايزة أقعد مع الشخص اللي معايا وتعالوا انتوا وصلوني وهنقعد مع بعض وراحت معانا سقت أنا التوك توك وفتحي قعد معاها ورا وطلبت مننا نجيب سيجارة تانية فجبنالها سيجارة تانية وشربناها كلنا وخدناها ورحنا أراضي زراعية على طريق كرداسة فتحي نزلها من التوك توك ونام معاها على الأرض الزراعية وبعد لما خلص أنا نمت معاها وبعد لما خلصت وصلتها للمريوطية فيصل بس مكان قريب للمكان اللى احنا واخدينها منه ومشينا وبعدين امبارح المغرب لقيت الحكومة جاتلي البيت وخدتني ودتني قسم الهرم وجابوني النهارده على النيابة.
ثبت من تقرير الطب الشرعي عدم وجود عنف جنائي أو مقاومة، وتوصلت تحريات الرائد كريم عليان معاون مباحث الهرم، إلى قيام المتهمين أثناء استقلالهما التوك توك فوجئا بكلا من المجني عليهما يتحدثان بلهجة غير مصرية، فقاما بالنزول من التوك توك وهدد فتحي المجني عليه بسلاح أبيض مطواه لكي يتمكنا من اختطاف المجني عليها وتهديدها واقتيادها بالتوك توك إلى أرض زراعية وتجريدها من ملابسها والتعدي عليها جنسيا.