الطبيب الأزهري هاني عبدالجواد يعرض ساعته الخاصة للبيع.. ثمنها للمرضي غير القادرين

في مشهد إنساني عظيم خرج الطبيب الأزهري هاني سلميان عبدالجواد، إذ أعلن عن بيع أحد مقتنياته الخاصة "ساعة" من خلال المزاد والتبرع بثمنها لغير القادرين.

كتب الطيب المصري على حسابه في فسيبوك قائلا: فكرة المزاد لبيع الساعه دي والتبرع بيها لغير القادرين جاتلي قبل صلاة الجمعة و في خلال ال ٤ الساعات الماضية تقريبا أتعرض فيها ٢ مليون جنية حتي من غير الناس ما تشوفها.

وتابع: الموضوع إن دي ساعة
 Rolex submariner 1000/t=300m green
و الساعة دي جاتلي هدية من أحد المرضي اللي عملتلهم جراحة خلال زيارتي لدبي الأسبوع  دا و أنا أصلا مش بلبس ساعات ومستحرم أسيبها مركونه فا هنعمل عليها مزاد للناس اللي غاوية النوع دا من الساعات و أي كان المبلغ اللي هتتباع بيه هيخرج كله للمرضي الغير قادرين و بكدا يكون اللي هيشتريها عارف أنه هيشتري الساعة الأصليه ومعها كارت الضمان لجميع أنحاء العالم وفي نفس الوقت الفلوس دي هتروح لله فيكون متبرع واللي جاب الهدية برضه أوهبه ثواب التبرع بدل الركنه عندي علي الفاضي.

وأكمل، أنا لبست الساعه 3 ساعات والفكرة من المزاد هو المعني والقيمة في المسارعة للخير عايزين نوري العالم إننا نقدر نعمل حاجه ليها قيمه واللي عند ربنا باقي.