رد ناري من زوجة رامي صبري على ويجز.. «أنت مش على الخريطة»

ردت شيرين عادل، زوجة الفنان رامي صبري، على الهجوم الكبير الذي قام به ويجز على زوجها بعد تصريحاته الأخيرة في برنامج «حبر سري»، عندما قال إنه من أهم خمس نجوم في مصر، وهم عمرو دياب وحماقي وتامر حسني ورامي صبري، مؤكدًا أنه لا يوجد غيرهم.

ونشرت شيرين جزءً من حديث رامي عبر حسابها على موقع تبادل الصور والفيديوهات الشهير «إنستجرام»، وعلقت: «ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولًا رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش أي مانع يخلي رامي لما يتسأل سؤال ميجاوبش وثانيا رامي صبري ده يا حضرت فنان من أهم الفنانين في الوطن العربى ومن أهم الأصوات ده لو حضرتك مش معانا في مجال المزيكا وبعدين والله يا ريت رامى عنده الوقت بتاع حضرتك الفاضى اوى بتاع ٥ شهور فاضى يا ريت كنا نتمنى».

وتابعت :«أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامى صبرى واحدة بتعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيرًا لما تحب تعمل دعاية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك».

رامي صبري: الراب مش هو اللون اللي ممكن أغنيه

ويذكر أن تحدث الفنان رامي صبري، خلال استضافته في برنامج «حبر سري» عن المهرجانات ومطربي الراب، وقال:«المهرجان مش بيتغنا، حلو والناس بتحبه وأنا ساعات بسمعه، بس مش هو ده اللون اللي ممكن أغنيه، مما دفع ويجز، نجم الراب المصري، للخروج عن صمته والرد في فيديو له عن هذه التصريحات، وقال «انت مش رقم 2 يا رامي أنت رقم 19 أنت بعيد أوي».