«كأنك بتشيله الليلة».. خالد الغندور يوجه رسالة هامة بشأن واقعة لاعب المنصورة
علق الإعلامي خالد الغندور عبر برنامجه الإذاعي أون سبورت إف إم، على واقعة اللاعب أحمد شاهين لاعب فريق المنصورة مع الكابتن علاء نوح مدرب الفريق.
وقال الغندور: « الفريق مهزوم بثنائية، واللاعب نزل بديل وملحقش يلعب خمس دقايق وراح مطلعه، واللاعب ولا هو مخسر الفريق ولا ليه ذنب ، بصراحه مفهمتش الكابتن علاء نوح نزله ليه وطلعه ليه، ولا هو سبب الهزيمة، ولا هو لحق ينفذ التعليمات»
وتابع: «الكابتن علاء نوح كان قاسي جداً على اللاعب، وفي نفس الوقت مينفعش اللاعب يعمل الأسلوب دا خالص وغير مقبول تماماً، اللاعيبه كلها بتعترض، شيكابالا بيعترض والسوليه وأحمد حسن اعترض وإمام عاشور اعترض وكهربا، ولكن اللاعب معترضش بس دا اعتدى بالضرب».
وأختتم: « ولكن انا كمدير فني مفتريش على اللاعيبة بتاعتي، ولازم نحافظ على نفسية اللاعيب بتاعي، واللاعب نزل عشر دقايق وملحقش ينفذ التعليمات وكأنك بتشيله الليلة وانت خسران اتنين صفر، وبعدين اي التعليمات اللي ممكن تتنفذ في عشر دقايق، ولكن في الاخر هو قرار مدير فني ولكن في وجهة نظري غلط يعني ».
