حسام موافي لفتاة فقدت كلبها: «الحب بين الإنسان والحيوان مش بيتنسي»
علّق الدكتور حسام موافي على رسالة من فتاة عبّرت عن حزنها الشديد بعد وفاة كلبها، مؤكدًا أن مشاعر الفقد التي تمر بها طبيعية ولا تستدعي الخجل.
وقال موافي، خلال تقديمه برنامج «رب زدني علما» المذاع عبر قناة «صدى البلد»: «بخصوص فقدك لكلبك اللي كان بالنسبة ليكي الدنيا وما فيها، أول حاجة أحب أطمنك: الحب اللي كان بينك وبينه مش هيتنسي، وده شيء طبيعي خالص، ربنا خلق الوصلة بين الإنسان والحيوان قوية، وده واضح في قصة أهل الكهف وكلبهم، اللي ربنا اختاره معاهم، مش مجرد كلب قاعد معاهم، ده كلبهم، يعني في رابط حقيقي».
وأضاف: «أنا عارف إن فقده وجعك وجع شديد، وعقلك بيرجعك دايمًا للحظة موته، والنوبات اللي بتحسي بيها طبيعية جدًا، لكن أهم حاجة، متخليش الفقد يهد كل حياتك».
واختتم الدكتور حسام موافي نصيحته قائلًا: «ممكن ترجعي تحكي للناس اللي حواليكي عن الكلب وذكرياته معاكي، ده بيساعد القلب يهدأ شويه».