مالك شقة مدرس الانجليزي ببولاق للنيابة: زوجته التانية طلقها بعد اسبوع
تفاصيل مثيرة كشفتها تحقيقات النيابة العامة في واقعة مقتل مدرس الانجليزي على يد عاطل وعامل، قاما بإيهامه بمشروع زواج من شقيقة المتهم الثاني بعد علما بأنه ميسور الحال ويعيش وحيدا واتفقا على خداعه ليتمكنا من دخول شقته واعدا لمخططهما عقار منوم، و ما ان هما بالتنفيذ حتى تقابلا مع المجنى عليه بالعقار المنوم, و ما ان شربه حتى خارت قوته, فاستغلا غيبته وتحصلا على الكروت البنكية خاصه بالمجنى عليه, و ما ان استعاد المجنى عليه وعيه حتى قام بتهديدهما بفضح امرهما لأهليتها, فقام الأول بوضع قدمه على صدره, و قام بخنقه بيده, و قام الثاني بإمساك قدميه, قاصدان من ذلك قتله, حتى لفظ المجنى عليه أنفاسه الأخيرة, و قاما بسرقه أمواله و الكروت البنكية والهاتف المحمول, وقاما بسحب الأموال من الماكينات البنكية, وقاما بسداد ديونها.
استمع اشرف عشماوی وكيل النيابة لأقوال حسن ناجح "سباك" والذي قرر أن المجني عليه كان مأجر منه الشقه اللي قاعد فيها ايجار قديم 59 سنة من ٣/١/ ٢٠١٨ قائلا هو جالى عن طريق سمسار عشان عايز يأجر شقه, وكان معاه خاله وقتها, وسألته وقتها انت متجوز ولا لأ عشان ده بيت عيله و مش بنرضى بالغلط فرد عليا و قالى انه بيصلى الفرض في الجامع و انه انا كنت متجوز بس مطلق و بحاول اصلح الدنيا وعندى عيلين, و لو معرفتش اصلح الدنيا ممكن اتجوز تانى, ووقتها اتفقنا على كل حاجه و اجرتله الشقه وهو سكن فيها لوحده و طول الفتره ديه مشوفتش الا واحده بس كانت جايه مع أهلها و بيفرجها على الشقه و بيقول انه هيتجوزها, و بعدها بكام يوم بسـأله عملت ايه, قالى لا خلاص الموضوع باظ, و ديه كانت المره الوحيده اللي شوفت حد معاه .
س / و هل كان فيما بينكما حوار قائم في تلك الفتره عقب مغادرتك للعقار ؟
ج / ايوه كنا بنتكلم كل فتره, ساعات عشان الايجار و ساعات كنا بنحكى بس كل فتره, و من فتره حوالي شهرين و شويه عرفت انه اتجوز, و عرفت انه طلق بعدها بحوالي أسبوع بس معرفتش السبب ايه, و لقيته كلمنى بعدها بحوالي فتره تقريبا شهر و شويه قالبى انه عايز يسيب الشقه عشان المشكله الاخيره بتاعت الجواز, وقالى انه عايز يقعد يتكلم معايا شويه, بس انا مكنتش فاضى الفتره ديه و معرفتش اشوفه.
س / و هل كنت على علم بنيته بالزواج في تلك الاونه الاخيره ؟
ج / لا انا مكنتش اعرف انا عرفت من الجيران و الناس.
س / و هل تمكنت من معرفه شخصيه المرأه التي تزوج منها المتوفى الى رحمه مولاه ؟
ج / لا انا معرفش هو اتجوز مين
س / و هل تمكنت من معرفه سبب الطلاق فيما بينها ؟
ج / لا انا معرفتش سبب الطلاق ايه
س / و هل ابصرت حال قيام طليقه المتوفى الى رحمه مولاه بانزال المنقولات الخاصه بها مع اهليتها ؟
ج / لا انا سمعت من الجيران بس مشوفتش
س / و ما الذي نما الى سمعك آنذاك ؟
ج / انا سمعت ان لما أهلها جم و هما بينزلوا العفش كانوا بيقولوا ل / محمد سعد الله يرحمه انت ليه عملت كده في بنتنا, هي عملت ايه عشان تطلقها بالسرعه ديه و عرفت ان أبو الزوجه ضرب عياله بالقلم واخدهم و اخدوا العفش ومشيوا.
س / و متى كانت اخر مره ابصرت فيها المتوفى الى رحمه مولاه ؟
ج / من حوالى ٤ شهور او اكثر, وكان بيدفعلى فلوس الايجار مع اى حد
س / و ما هي كيفيه علمك بوفاته ؟
ج / انا عرفت انه مات لما الشرطه جات و كسروا الباب و لقوه متوفى
س / هل كان المتوفي الى رحمة مولاه يعانى من أى أمراض عضوية أو عصبية ؟
ج / انا معرفش اى حاجه عنه زی کده